පැතුම් වික්‍රමරත්න
ගෝලීය බොරතෙල් සැපයුම 10% කින් කප්පාදු කිරීමට බොර තෙල් අපනයන කරන රටවල එකමුතුව හෙවත් ඔපෙක් සංවිධානය තීරණය කර ඇත.
ඔපෙක් සංවිධානයේ මිත්‍ර පර්ශ්වික රටවල්ද මෙම තීරණයට එකඟතාව පළකර ඇති අතර ඔස්ට්‍රියාවේ වියානා නුවරදී වීඩියෝ සමුළුවෙදී මේ මෙම තීරණය ගෙන ඇති බවද වාර්තාවේ.
කොවිඩ්-19 වෛරසයේ ව්‍යාප්තිය හමුවේ ලොව රටවල් රැසක ප්‍රවාහන කටයුතු කටයුතු අක්‍රීයව තිබීම හේතුවෙන් ඔපෙක් සංවිධානය මෙම තීරණය ගෙන ඇත.
මේ අනුව තෙල් ඉල්ලුම අඩුවෙමින් පැවතීම හා ඊට සමගාමීව තෙල් මිල පහල යමින් තිබීමද සැලකිල්ලට ගෙන මෙසේ තෙල් සැපයුම සීමා කිරීමට තම සංවිධානය පියවර ගන්නා බව ඔපෙක් හි ප්‍රකාශකයකු මාධ්‍ය වෙත පවසා ඇත.
විදෙස් වාර්තා අනාවරණ කළේ ඉතිහාසයේ සිදුකළ විශාලතම බොරතෙල් කප්පාදුව මෙය බවයි.
