කොරෝනා වෛරසයට එරෙහිව ඕස්ට්‍රේලියාවේ ක්වීන්ස්ලන්ඩ් විශ්වවිද්‍යාලයේ පර්යේෂකයින් කණ්ඩායමක් විසින් නිපදවමින් සිටින සිටින එන්නත , එම වෛරසය නිෂ්ක්‍රීය කිරීමට හැකි ප්‍රතිදේහ ගොඩනැංවීමට සමත්ව ඇති බව පූර්ව සායනික පර්යේෂණ වලදී තහවුරු වී ඇත.
මේ අනුව එම එන්නත ලබන ජූනි මාසයේදී මිනිසුන් යොදා අත්හදාබලීමටද සැලසුම් කර ඇති බවද එම පර්යේෂකයින් ජාත්‍යන්තර මාධ්‍ය වෙත සඳහන් කර ඇත.
මෙම එන්නත නිපදවීමේ කටයුතු , මේ වනවිට ඉතා සාර්ථක මට්ටමක පවතින බවත් , එමගින් ගොඩනංවන ප්‍රතිදේහ , කොරෝනා රෝගයෙන් සුවපත් වූවන්ගේ ශරීරයන්හි නිපදවෙන ප්‍රතිදේහයන්ටද වඩා ඉදිරියෙන් ඇති බවත් මෙම පර්යේෂණ කණ්ඩායමේ ප්‍රධානී මහාචාර්ය පෝල් යන්ග් මහතා මෙහිදී සඳහන් කර ඇත.
එන්නතට අදාළ සායනික පර්යේෂණද කඩිනමින් ආරම්භ කරන බවද පෝල් යන්ග් මහතා පවසා සිටී .
