රාජ්‍ය බුද්ධි සේවයේ නි.අධ්‍යක්ෂ හෙළිකරයි
මෙරට කොවිඩ් 19 වෛරසය පාලනය කිරීමේ කටයුත්ත මේ වනවිට රාජ්‍ය බුද්ධි සේවය සිය පාලනයට නතුකරගෙන ඇතැයි රාජ්‍ය බුද්ධි සේවයේ නියෝජ්‍ය අධ්‍යක්ෂ පරාක්‍රම සිල්වා මහතා පවසයි.
කොවිඩ්-19 වසංගත ව්‍යාප්තිය පාලනය කිරීමේ බුද්ධි මෙහෙයුම ඔස්සේ 88273 දෙනෙක් හඳුනාගෙන ස්වයං නිරෝධායනයට යොමු කර තිබේ.
වසංගත පාලන ක්‍රියාවලිය මේ අයුරින් ක්‍රියාත්මක නොවුයේ නම් වෛරසය ව්‍යාප්තිය රටපුරාම පැතිරයනු ඇති බව ඔහු පෙන්වා දෙති.
ලොව පුරා වසංගතය පැතිරුනු සියලුම රටවලින් මෙවැනි බුද්ධි මෙහෙයුම් ඔස්සේ කොවිඩ් 19 පාලන ක්‍රියාවලිය සිදුවූයේ ශ්‍රී ලංකාවේ සහ ඊශ්‍රාලයේ මොසාඩ් ඔත්තු සේවය විසින් පමණක් බවද රාජ්‍ය බුද්ධි අංශය පැවැසීය.
කොවිඩ් 19 වෛරසය මෙරට පාලනය කිරීමේ බුද්ධි මෙහෙයුම ගැන ජාතික රූපවාහිනිය මගින් හෙළිකරමින් හෙතෙම මේ බව අවධාරණය කළේය.
ඔහු සදහන් කළේ මේ වන විට ස්වයං නිරෝධායනයේ සිටින්නේ 28746 දෙනෙක් පමණක් බවයි.
නාවික හමුදාවේ නිලදාරීන් අතර වෛරසය පැතිරයාම මේ වන විට බොහෝ දුරට පාලනය කර ඇතැයි රාජ්‍ය බුද්ධි අංශය පෙන්වා දෙති.
නාවික හමුදා සාමාජිකයන්ට වෛරසය ආසාධනය වන්නේ ජා-ඇල සුදුවැල්ලේ ආසාධිතන් සම්බන්දයෙන් රාජකාරියේ නිරතව සිටියදීය.
