කිසිදු පෞද්ගලික අංශයේ සේවකයකු රැකියාවලින් ඉවත් නොකරන බවට ආයතන හිමිකරුවන් රජය වෙත පොරොන්දුවක් ලබාදී ඇතැයි කම්කරු සබඳතා අමාත්‍යාංශය සඳහන් කර සිටී .
එසේම යම්කිසි සේවක ප්‍රමාණයකට රැකියාවට පැමිණීමට ඉඩ නොලැබේ නම් ඒ සියලු දෙනාට තමන් පසුගිය කාලයේ ගත් වැටුපෙන් 50%කට ඉක්මවා නොයන, එසේ නොමැති නම් රුපියල් 14,500ක අවම මාසික වැටුපක් ගෙවීමට ආයතන හිමිකරුවන් එකඟතාවය පළකර ඇත .
පෞද්ගලික අංශයේ ආයතනවල සේවකයන් කිසිවකු රැකියාවලින් ඉවත් නොකිරීමට මෙන්ම, නිෂ්පාදන කර්මාන්තශාලා සියල්ල යලි ආරම්භ කිරීමටද එම ආයතන හිමිකරුවන් එකඟතාවය පළකර ඇති බව අමාත්‍යංශය සඳහන් කර සිටී
රජය මඟින් ප්‍රකාශයට පත්කොට ඇති සෞඛ්‍ය නීති සීමාවල්වලට යටත්ව ඒ ආයතනවල නිෂ්පාදනය ආරම්භ කරන බවටද ඔවුන් රජය වෙත සහතික වී ඇතැයිද අමාත්‍යංශය මාධ්‍ය වෙත සඳහන් කර ඇත.
