මුදල් විශුද්ධිකරණය හා ත්‍රස්තවාදයට මුදල් සැපයීම පිළිබඳ අවදානම් සහිත තුන්වෙනි රටවල් ලැයිස්තුවෙන් ශ්‍රී ලංකාව ඉවත් කිරීමට යුරෝපා කොමිසම කටයුතු කර තිබේ.
එම කොමිසම විසින් පසුගිය 07 වැනිදා මේ බව ප්‍රකාශයට පත් කර ඇත.
2018 පෙබරවාරි මාසයේදී ශ්‍රී ලංකාව ඉහත කාරණාවලින් ඉහළ අවදානම් සහිත තුන්වන රටක් ලෙස නම් කරන ලදී.
2017 වසරේ ඔක්තෝබර් මාසයේදී මාසයේ දී ඒ පිළිබඳ ‘අළු’ ලැයිස්තුවට ශ්‍රී ලංකාව ඇතුළත් කර තිබුණි. ඉන්පසුව හඳුනාගත් උපායමාර්ගික අඩුපාඩු සපුරාලීම සඳහා ශ්‍රී ලංකාවට කාලසීමාවක් සහිත ක්‍රියාකාරී සැලැස්මක් පවරා තිබුණි.
FATF විසින් ලැයිස්තුගත කර ඇති දින සිට මූල්‍ය බුද්ධි ඒකකය සහ අනෙකුත් පාර්ශවකරුවන් සමග එක්ව නියමිත කාලසීමාව තුළ ක්‍රියාකාරී සැලැස්ම හොඳින් ක්‍රියාත්මක කිරීම සහ ඵඵලදායී ලෙස පැහැදිලි පියවර මාලාවක් ගැනීම හේතුවෙන් ඉහත ලැයිස්තුවලින් ශ්‍රී ලංකාව ක්‍රමානුකූලව සාර්ථක වන ආකාරය අනුව ඉවත් කිරීමට යුරෝපා සංගමය කටයුතු කර ඇත.
