Covid-19 වසංගතයේ මූලාරම්භය සම්බන්ධයෙන් චීනය වගකීම දරන්නේද යන්න පිළිබඳව හෙළිදරව් කරන ලද අමෙරිකානු බුද්ධි වාර්තාවක් යළි විවාදාත්මක තත්ත්වයක් ඇති කර තිබේ.
අමෙරිකානු ජාතික බුද්ධි අධ්‍යක්ෂ (ODNI) වාර්තාවට අනුව, නම් නොකළ බුද්ධි ඒජන්සියක විශ්ලේෂකයින් විශ්වාස කරන්නේ වුහාන් වෛරස් විද්‍යා ආයතනයේ (WIV) විද්‍යාවේ ‘භයානක ස්වභාවය’, ආරක්ෂාව නොමැතිකම සමඟ සම්බන්ධ වී ඇති බවයි. පූර්වාරක්ෂාවේ හිඟකම, කොරෝනා වෛරසය මුලින්ම සතුන්ගෙන් මිනිසුන්ට සම්ප්‍රේෂණය වීමට හේතු වී ඇතැයි එම වාර්තාවේ දැක්වේ.
“වුහාන් වෛරස් විද්‍යා ආයතනයේ පර්යේෂණයට SARS-CoV-2 [Covid-19 ඇති කරන වෛරසය] හෝ සමීප පූර්වගාමී වෛරසයක් සම්බන්ධ බවට [බුද්ධි ප්‍රජාවට] කිසිදු ඇඟවීමක් නොමැති වුවද, මෙම විශ්ලේෂකයින් සඳහන් කර ඇත්තේ පර්යේෂකයන් නොදැනුවත්වම ඔවුන්ව වෛරසයට නිරාවරණය කර ඇති බවයි. වෛරසය අත්හදා බැලීම් හෝ නියැදීම් ක්‍රියාකාරකම්වලදී එය අනුක්‍රමණය නොකර රෝග ලක්ෂණ හෝ මෘදු ආසාදනයක් ඇති කළ හැකිය,’ යනුවෙන් එම බුද්ධි වාර්තාව පවසයි.
කෙසේ වෙතත්, වාර්තාවට සම්බන්ධ අනෙකුත් බුද්ධි අංශ විශ්වාස කරන්නේ වෛරසය සතුන්ගෙන් මිනිසුන්ට කෙලින්ම සම්ප්‍රේෂණයට ඉඩ ඇති බවත්, ‘විද්‍යාගාර කාන්දුවීමේ’ න්‍යාය පිළිබඳව සැක පහළ කරන බවත්ය.
මෙම විශ්ලේෂකයින් නොදන්නා සත්ව නිදර්ශක එකතු කිරීමේදී නොදැනුවත්වම රසායනාගාර සේවකයෙකු ආසාදනය වීමේ විභවය දඩයම්කරුවන්, ගොවීන්, වෙළෙන්දන් සහ සතුන් සමඟ නිතර නිතර, ස්වභාවික සම්බන්ධතා පවත්වන වෙනත් අය හරහා සිදුවන ආසාදනයකට වඩා අඩු විය හැකි බව වාර්තාව පවසයි.
කෙසේවෙතත් අමෙරිකානු ජාතික බුද්ධි අධ්‍යක්ෂ වාර්තාව මගින් Covid-19 ජීව අවියක් ලෙස ආරම්භ වූ බවට යෝජනා ප්‍රතික්ෂේප කරයි.
එමෙන්ම ‘මෙම න්‍යායේ පිළිබඳ කතාකරන අයට වූහාන් වෛරසවේදී විද්‍යායතනයට සෘජු ප්‍රවේශයක් නොමැත’ සහ වැරදි තොරතුරු පතුරුවන බවට ද එමගින් චෝදනා එල්ල වී තිබේ.
අවසාන වශයෙන් මෙම වාර්තාවෙන් පෙන්වා දී ඇත්තේ කොවිඩ්-19 වෛරසයේ මූලාරම්භය හඳුනා ගැනීමට ඔවුන්ට කෙදිනකවත් නොහැකි විය හැකි බවයි.
