නිදහස් ශ්‍රී ලංකාවේ 77වන අයවැය ලෙස 2023 වර්ෂය සඳහා වන අයවැය ලේඛනය, අද (14) ජනාධිපති රනිල් වික්‍රමසිංහ මහතා විසින් ඉදිරිපත් කළේය.
එම අවස්ථාවට සහභාගි වීම සඳහා මැතිඇමතිවරුන් අද පස්වරු 1ට පමණ පාර්ලිමේන්තු සභාගර්භය වෙත පැමිණියහ.
අයවැය කථාවට සවන්දීම සඳහා පාසල් සිසුන් 400 දෙනෙකුට පමණ අද දිනයේ අවස්ථාව සලසා දී තිබීමද විශේෂත්වයකි.
ජනාධිපති රනිල් වික්‍රමසිංහ මහතා පස්වරු 1.30ට පමණ අයවැය යෝජනාවලිය රැගෙන සභාගර්භය වෙත පැමිණි අතර මුදල් අමාත්‍යවරයා ලෙස හා ජනාධිපතිවරයා ලෙස රනිල් වික්‍රමසිංහ මහතා ඉදිරිපත් කරන මංගල අයවැය මෙය වෙයි.
2023 අයවැය නම්කර තිබුණේ, “ශ්‍රී ලංකාව – නව ආරම්භයක් කරා” ලෙසය.
