පාසලේ ජල කරාමයක් කඩා දැමුවේ යැයි කියා සිසුන් තිදෙනෙකුට අමානුෂික ලෙස පහරදුන් බව කියන රන්තොටුවිල පිහිටි අර්ධ රාජ්‍ය පාසලක ජර්මන් ජාතික විදුහල්පතිනියක් අත්අඩංගුවට ගැනීමට ඌරගස්මන්හංදිය පොලීසිය විමර්ශනයක් ආරම්භකර තිබේ.
මෙම පහරදීම සිදුව ඇත්තේ පසුගිය 11 වෙනිදා බව පොලීසිය කියයි.
මේ සම්බන්ධයෙන් දරුවන්ගේ දෙමාපියන් පොලීසියට පැමිණීලිකර ඇත්තේ ඊයේ (12) ය.
ජරමන් ජාතික විදුහල්පතිනිය විසින් පහරදුන්නේ යැයි කියන දරුවන් දෙදෙනා ගෝනදුව රෝහලට ඇතුලත්කර ඇති අතර ඒ අය ඊයේ (13) දිනයේත් ප්‍රතිකාර ලබමින් සිටියේය.
ඉංගිරියේ සහ මොරන්තුඩුවේ පදිංචි අවුරුදු 10,14 සහ 12 යන දරුවන් තිදෙනෙක් මෙසේ රෝහල්ගතව සිටින බව පොලීසිය කියයි.
මෙම දරුවන්ට විදුහල්පතිනිය විසින් කෝටුවකින් පහරදුන් බව පැමිණිල්ලෙහි සඳහන් වේ.
මෙම පාසලේ දරුවන්ට අධ්‍යාපනය ලබාදෙන්නේ නොමිලයේ බව පොලීසිය සඳහන් කළේය.
