කොළඹ කොටුව ජනාධිපති මන්දිරය අත්පත්කර ගැනීමට පසුගිය ජුලි 09 වෙනිදා ගිය අවස්ථාවේදී තුවාල ලබා කොළඹ ජාතික රෝහලේ ප්‍රතිකාර ලබමින් සිටි අරගලකරුවෙක් ඊයේ (05) මියගොස් ඇත.
මාතර , දෙවිනුවර , වැල්ලමඩම , රුහුණු සරසවි පෙදෙසේ පදිංචිව සිටි ඩබ්ලිව්. ඩී.එල්. ජයසේන (59) නැමැති අය මෙසේ මියගොස් තිබේ.
මෙම පුද්ගලයා යුද හමුදා කමාන්ඩෝ බලකායේ සේවය කර විශ්‍රාම ගොස් සිටින අයෙක් අයෙකි.
ජූලි 09 වෙනිදා කොටුව ජනාධිපති මන්දිරය අත්පත්කර ගැනීමට යාමේදී ආරක්ෂක පවුරු බිද දමා ඉදිරියට ගමන් කළ අරගලකරුවන් අතර ඉදිරියෙන්ම මෙම පුද්ගලයා රැදී සිට ඇති බව පොලීසියට කියයි. එහිදී ඔහු අනතුරකට ලක්ව හිසට දරුණු ලෙස තුවාල සිදුවී රෝහල් ගත කරනු ලැබූ බව පොලීසිය කියයි.
එහිදී හිස් කබලේ සිදුකල ශල්‍යකර්මයකින් පසු රෝහලින් පිටව ගොස් ඇති බවත් නැවත ඔහු දෙසැම්බර් 19 වෙනිදා ඇති වුණු සංකූලතා හේතුවෙන් කොළඹ ජාතික රෝහලට ඇතුලත්ව ප්‍රතිකාර ලබමින් සිටියදී මියගොස් ඇති බවත් පොලීසිය කියයි.
