විස්තීර්ණ ණය පහසුකම යටතේ ශ්‍රී ලංකාවේ වැඩසටහන ජාත්‍යන්තර මූල්‍ය අරමුදලෙහි විධායක කමිටුව විසින් අනුමත කළ බව ජාත්‍යන්තර මූල්‍ය අරමුදල නිවේදනය කර තිබේ.
ඒ පිළිබදව ජනාධිපති රනිල් වික්‍රමසිංහ මහතා කෘතඥතාව පලකරමින් නිවේදනයක් නිකුත් කර ඇත.
මෙම වැඩසටහන මගින් ශ්‍රී ලංකාවට ජාත්‍යන්තර මූල්‍ය අරමුදල, ජාත්‍යන්තර මූල්‍ය ආයතන සහ බහු පාර්ශ්වික සංවිධාන වෙතින් ඇමරිකානු ඩොලර් බිලියන 7ක් දක්වා මූල්‍ය පහසුකම් ලබා ගැනීමට අවස්ථාව සැලසෙන බව රජය කියයි.
ජාත්‍යන්තර මූල්‍ය අරමුදල නිවේදනයක් නිකුත් කරමින් කියා සිටියේ විධායක මණ්ඩලයේ තීරණයක් මගින් ඇමරිකානු ඩොලර් මිලියන 333ක් ක්ෂණික මුදල් නිකුත් කිරීමක් කරනු ඇති බවත් ය.
එමෙන්ම අනෙකුත් සංවර්ධන හවුල්කරුවන්ගෙන් මූල්‍ය ආධාර උත්ප්‍රේරකයක්ද හිමිවනු ඇති බවය.
