සිලෝන් ලෙදර් ප්‍රඩක්ට්ස් ලිමිටඩ් හි කොටස් හිමිකාරීත්වය විකුණා දැමීමට Ambeon හෝල්ඩිංග්ස් පීඑල්සී විසින් කටයුතු කර තිබේ. සිලෝන් ලෙදර් ප්‍රඩක්ට්ස් ලිමිටඩ් හි ප්‍රකාශිත කොටස් ප්‍රාග්ධනයෙන් 99.80% ක් Ambeon හෝල්ඩිංග්ස් පීඑල්සී සතුව පැවතුණි.
මෙම ගනුදෙනුව ඊයේ (14) දිනයේ දී සිදුකළ බව Ambeon හෝල්ඩිංග්ස් පීඑල්සී විසින් කොළඹ කොටස් වෙළෙඳපොළ වෙත දැනුම් දී සිටී.
රු. මිලියන 650 කට මෙම ගනුදෙනුව සිදුව ඇත.
එලයතම්බි තවඥානසුන්දරම් සහ එලයතම්බි තවඥානසූරියම් යන මහත්වරුන් විසින් සිලෝන් ලෙදර් ප්‍රඩක්ට්ස් ලිමිටඩ් සමාගම මිල දී ගැනීම සිදුකර ඇති බව වාර්තා වේ.
සිලෝන් ලෙදර් ප්‍රඩක්ට්ස් යනු වසර 74ක සාඩම්බර ඉතිහාසයකට හිමිකම් කියන සමාගමකි. එය ලෙදර් පාවහන් සහ ලෙදර් නිෂ්පාදිත සැකසීමේ සහ නිෂ්පාදනයේ පුරෝගාමී සමාගමක් වේ.
