කොළඹ කොටස් වෙළෙඳපොළ මිල දර්ශකවල සුවිශේෂී ඉහළ යාමක් අද (04) දිනයේ දී වාර්තා වී තිබේ.
අද එහි කටයුතු යළි ආරම්භ වී තිබුණේ අඛණ්ඩ දින 5 ක විරාමයකින් පසුව ය.
මෙරට බැංකු පද්ධතියට ගෙවුණු දීර්ඝ සති අන්තය අළලා එක් දිනක අතිරේක නිවාඩුවක් රජය විසින් ප්‍රකාශයට පත්කරන ලද අතර ඒ අනුව දින 5 ක දීර්ඝ විරාමයක් සියලු බැංකු වෙත හිමි වූ අතර ට සමගාමීව කොළඹ කොටස් වෙළෙඳපොළට ද දින 5 ක විරාමයක් හිමිවිය
ඒ දේශීය ණය ප්‍රතිව්‍යූහගතකරණ ක්‍රියාවලිය අවසන් කිරීම සඳහායි.
අද යළි ක්‍රියාත්මක වූ කොළඹ කොටස් වෙළඳපොළ ලැයිස්තුගත බැංකු සහ මූල්‍ය සමාගම් සියල්ලකගේම පාහේ කොටස් මිල ගණන් අද දින කැපීපෙනෙන ලෙස ඉහළ යන ලදී.
කොළඹ කොටස් වෙළෙඳපොළ ප්‍රධන මිල දර්ශකය වන සියලු කොටස් මිල දර්ශකය අද (04) දින ගනුදෙනු අතරවාරයේ දී ඒකක 10,000 සීමාව ඉක්මවීය.
අද මධ්‍යහ්න පසු වී කෙටි වේලාවක් ගතවෙද්දී සියලු කොටස් මිල දර්ශකය ඒකක 10,000 සීමාව පසුකර ගියේය.
ඒ වන විට ඒකක 559,28 කින් සියලු කොටස් මිල දර්ශකය ඉහළ ගොස් තිබු අතර එ වනවිට සටහන් වී තිබුණු ගනුදෙනු පිරිවැටුම රු. බිලියන 4.23 ඉක්මවා තිබේ.
