John Keells Properties සමාගම Union බැංකුව හා එක්ව ජා-ඇළ පිහිටි VIMAN නිවාස සංවර්ධන ව්‍යාපෘතියේ නිවාස සඳහා එහි ගැනුම්කරුවන් වෙත අසමසමවූ ZERO-DOWN නිවාස හිමිකම් මූල්‍ය සැලසුම පිරිනැමීමට සාඩම්බරව ඉදිරිපත්වී ඇත. මෙම අද්විතීය මූල්‍ය විසඳුම දෙපාර්ශවයේ ප්‍රධානීන් විසින් පළමු වරට ආරම්භ කරනු ලැබූවේ නිවාස හිමිකාරීත්වය සඳහා වඩාත් පහසු ප්‍රවේශයක් සලසා දීමටය. මෙය ගැනුම්කරුවන්ට ජා-ඇළ VIMAN හි තම නිවහන පෙර ගෙවීමකින් තොරව මිලදී ගැනීමට ඉඩ සලසා දෙනු ලබන සුවිශේෂී මූල්‍ය විසඳුම් මාදිලියකි. Union බැංකුව, Zero Down මූල්‍ය විසඳුම හරහා ගනුදෙනුකරුනවන් වෙත ව්‍යාපෘති මුදලෙන් 75%ක් මූලිකව ලබා දෙන අතර, මූල්‍ය සැලසුමකට අනුව අදියර වශයෙන් එම මුදල් ලබා දීම සිදු කරයි. ඒ අනුව ගනුදෙනුකරුනවන් බැංකුව විසින් ලබා දෙනු ලබන මුදල සඳහා ව්‍යාපෘති කාල සීමාව ඇතුළත මාසිකව සමාන වාරික ගෙවීමට පියවර ගතයුතුවේ. ව්‍යාපෘතිය අවසානයේදී, ආසන්න වශයෙන් වසර දෙකකින් ගනුදෙනුකරුවන්ගේ අවසාන ගෙවීම ලෙස ඔවුන්ගේ 25% කොටසක් John Keells Properties සමාගම වෙත සෘජුවම දායකවනු ඇත.
John Keells Properties සමාගම සහ Union බැංකුව විසින් හඳුන්වාදෙනු ලබන ZERO-DOWN නිවාස හිමිකම් මූල්‍ය සැලසුම හුදෙක් මූල්‍ය ප්‍රථිලාබයක් පමණක් නොව, එය ආරක්ෂිතබව සහ අවස්ථාවන් පිළිබඳව සහතික වෙමින් ජා-ඇළ VIMAN හි නිවාස වෙත පහසුවෙන් ප්‍රවේශ විය හැකි, පෙර අත් නොවිඳි අත්දැකීමක් සහිතව දේපළ වෙළඳාම් ක්ෂේත්‍රය පරිවර්තනීය වෙනසකට ලක් කිරීමට අරමුණු කරයි. තරුණ වෘත්තිකයන් සහ පවුල් අතර නම්‍යශීලී හා සාධාරණ මූල්‍ය විසඳුම් සඳහා පවතින ඉල්ලුම ඉහළ යමින් පැවතීම හේතුවෙන් මෙම අද්විතීය වූ මූල්‍ය විසඳුම් සහිත නිවාස හිමිකම් අවස්ථාව තීරණාත්මක අවධියකට පැමිණ තිබේ. ZERO-DOWN මූල්‍ය සැලසුම හරහා ජා-ඇළ VIMAN හි නිවාස අපේක්ෂාවන් සඳහා කිසිදු ආකාරයේ පෙර මුදල් ගෙවීමකින් තොරව තම නිවහන සුරක්ෂිතව වෙන් කර ගැනීමට හැකි වේ. එමෙන්ම සාම්ප්‍රදායිකව ගැනුම්කරුවන් අධෛර්යට පත් කරන මූලිකව ගෙවීමේ මූල්‍ය බාධාවන් ඉවත් කරමින්, ගැනුම්කරුවන්ට ඔවුන්ගේ මූල්‍ය සැලසුම්කරණ කටයුතු සඳහා පැහැදිලිබවක් සහ විශ්වසනීයත්වයක් ගොඩනගමින් ඒ සඳහා ප්‍රවේශ වීමට සහය ලබා දේ.
John Keells Properties සමාගමේ විකුණුම් හා අලෙවි ප්‍රධානී සහ John Keells Group හි උප සභාපති නදීම් ශම්ස් මහතා මේ පිළිබඳව අදහස් දක්වමින් මෙසේ පැවසීය. “ZERO-DOWN මූල්‍ය විසඳුම හරහා ශ්‍රී ලංකාවේ නිවාස හිමිකාරීත්වය පිළිබඳව දිගු දැක්මක් සහිත ප්‍රවේශයක් ඉදිරිපත් කරනවා. පෙර මුදල් ගෙවීම් හරහා අරමුණක් සහිත ගැනුම්කරුවන් පවා අධෛර්යමත් වන අයුරු අපි අත්දැක තිබෙනවා. ZERO-DOWN මූල්‍ය විසඳුම සමගින් අපි ශ්‍රී ලාංකිකයින්ට ජා-ඇළ VIMAN හි නිවසක් කඩිනමින් සහ වැඩි මූල්‍ය සහනයක් හරහා ලබා ගැනීමට අවස්ථාව සලසා දෙනවා. මෙම නව ආරම්භය සමගින්, නව ලොවක් නිර්මාණය කිරීමේ සමගමෙහි දැක්ම මත පදනම්ව අපගේ වර්ධනයන් පමණක් නොව, මිනිසුන්ට ඔවුන්ගේ නිවාසක හිමිකම අත්කර දීම දක්වා John Keells Properties සමාගම විසින් කරනු ලබන කැපවීම මනාව පිළිබිඹු වෙනවා.”
Union බැංකුවේ ජ්‍යෙෂ්ඨ උප සභාපතිනි (Retail Banking) චායා ජයවර්ධන මේ සම්බන්ධයෙන් අදහස් දක්වමින් මෙසේ පැවසීය. “සැබෑ පරිවර්තනීය වෙනසක් සහිත මූල්‍ය විසඳුමක් වන ZERO-DOWN හඳුන්වා දීම සඳහා John Keells Properties සමාගම සමග සහයෝගයෙන් කටයුතු කිරීමට හැකි වීම පිළිබඳව Union බැංකුව සතුටු වෙනවා. මෙම ආරම්භය තුළින්, මූලිකව මුදල් ගෙවීමේ අපහසුතාවයක් නොමැතිව, ජා-ඇළ VIMAN හි තමන්ගේ නිවස සුරක්ෂිතව වෙන් කර ගැනීමට අවශ්‍ය නම්‍යශීලීභාවය සහ විශ්වාසය, ගැනුම්කරුවන්ව බලගන්වනු ලබනවා. එය වෙනස් වන මූල්‍ය දර්ශනයන්ට සහ අපගේ ගනුදෙනුකරුවන්ගේ වෙනස්වන අවශ්‍යතාවයන්ට සෘජු ප්‍රතිචාරයක්.”
ජා–ඇළ VIMAN නිවාස ව්‍යාපෘතිය පිළිබඳව
අක්කර 6ක් පුරා විහිදී පවතින භූමියෙන් 65%ක් විවෘත අවකාශයන් සහ පහසුකම් වෙනුවෙන් වෙන් කර ඇති ජා-ඇළ VIMAN නිවාස ව්‍යාපෘතිය 2023 වසරේ සැප්තැම්බර් මාසයේදී ආරම්භයේ සිට බුද්ධිමත් නිවාස ගැනුම්කරුවන්ගේ සහ ආයෝජකයින්ගේ අවධානය ඉක්මනින්ම දිනා ගැනීමට සමත්වුණි. නිවාස ව්‍යාපෘතියේ පළමු සහ දෙවන අදියරවල මහල් නිවාසවලින් 80% කටත් වැඩි නිවාස ප්‍රමාණයක් මේවන විටත් විකුණා අවසන්ව ඇති අතර, එය ප්‍රජාවට නැරඹීමට සුදුසුම කාලය මෙය වේ. ජා-ඇළ නගර මධ්‍යයේ පිහිටා ඇති VIMAN නිවාස ව්‍යාපෘතිය ජා-ඇළ, කොළඹ හා කටුනායක අධිවේගී පිවිසුම් මාර්ගයට විනාඩි 10ක පමණ දුරින් ඉතා සමීප ප්‍රවේශයක් ලබා දෙන අතර ජා-ඇළ සහ කොළඹ අතර මිනිත්තු 30 ක පමණ වූ ඉතා පහසු කෙටි ගමන් කාලයක් සහතික කරයි. සශ්‍රීක වූ හරිත උයනක් කේන්ද්‍ර කර ගනිමින් පිහිටි VIMAN හි භාවනා මධ්‍යස්ථාන, ළමා ක්‍රීඩා පිටි, එළිමහන් ක්‍රීඩාංගණ සහ බයිසිකල් පැදීම හා ඇවිදීම සඳහා වූ මංතීරු ඇතුළුව මනාව සැලසුම් කර ඇති පහසුකම් 15කට අධික ප්‍රමාණයක් සමගින්, පදිංචිකරුවන්ට ජීවත්වීමට සුදුසු පරිසර හිතකාමී වටපිටාවක් සහ පවුල් සඳහා සමෘද්ධිමත් පරිසරයක් නිර්මාණය කර දීමට සමත්ව ඇත.
John Keells Properties සමාගම පිළිබඳව
John Keells Properties සමාගම යනු ශ්‍රී ලංකාවේ දේපළ වෙළඳාම් සංවර්ධන ක්ෂේත්‍රයේ පුරෝගාමියෙකු වන අතර ගුණාත්මකභාවය, නවෝත්පාදනය සහ තිරසරත්වය වෙනුවෙන් එම ක්ෂේත්‍රයේ ඔවුන් කරනු ලබන කැපවීම වෙනුවෙන් විශාල ප්‍රසිද්ධියක් උසුලනු ලබයි. ‘නව ලෝකයක් නිර්මාණය කිරීමේ’ සමගමේ දැක්ම මත පදනම් වෙමින් John Keells Properties සමාගම ශ්‍රී ලංකාවේ නවීන ජීවන රටාව නැවත අරුත් ගන්වමින් සාර්ථක ව්‍යාපෘති සමග නවීන ජීවන සීමාවන් වර්ධනය කරයි.
Union බැංකුව පිළිබඳව
Union බැංකුව ශ්‍රී ලංකාවේ ප්‍රමුඛ පෙළේ පෞද්ගලික වාණිජ බැංකුවක් වන අතර කුඩා හා මධ්‍ය පරිමාණ ව්‍යවසායකයින් සහ ආයතන සඳහා පුළුල් පරාසයක විහිදී යමින් මූල්‍ය විසඳුම් පිරිනමනු ලබයි. ශක්තිමත් ප්‍රාග්ධන පදනමක් සහ මූල්‍ය ස්ථාවරත්වයක් සමගින් පවතින Union බැංකුව, ප්‍රමුඛ පෙළේ බහුජාතික සමූහ ව්‍යාපාරයක් වන CG Corp Global හි අනුබද්ධ සමාගමක් වන අතර එය නේපාලයේ Nabil බැංකුවේ විශාලතම කොටස් හිමියා වේ. Union බැංකුව ශ්‍රී ලංකාව පුරා දීපව්‍යාප්ත ශාඛා 61 ක් ක්‍රියාත්මක කරමින්, ඩිජිටල් බැංකුකරණය, පැය 24 පුරා ක්‍රියාත්මක වන ඇමතුම් මධ්‍යස්ථානයක් සහ දීප ව්‍යාප්ත ATM ජාලයක් සමගින් මූල්‍ය සේවා සඳහා පහසු ප්‍රවේශයක් සහතික කර දේ. Union බැංකුව හා අනුබද්ධිත සමාගම්වලට සීමාසහිත National Asset Management Limited සහ UB Finance Company Limited යන සමාගම් ඇතුළත් වේ.
ජා-ඇළ VIMAN නිවාස සඳහා ලබා දෙන ZERO-DOWN නිවාස හිමිකම් මූල්‍ය සැලසුම පිළිබඳව වැඩි විස්තර www.viman.lk වෙබ් අඩවිය වෙත පිවිසිමෙන් හෝ +94 706 062 062 දුරකථන මාර්ගය ඔස්සේ John Keells Properties සමාගම ඇමතීමෙන් ලබා ගත හැකිය.
