Featuredදේශපාලන


Share now!

ආණ්ඩුව ගන්නා ඇතැම් තීන්දු තීරණ හේතුවෙන් ආණ්ඩුවේ හවුල්කාර පක්ෂ යම් කලකිරීමකින් සිටින බව අමාත්‍ය වාසුදේව නානායක්කාර මහතා පවසයි ..

කෙරවලපිටිය එල් එන් ජී බලාගාරයේ කොටස් පවරාදීම සම්බන්ධයෙන් ආණ්ඩුවේ හවුල්කාර පක්ෂවල දැඩි විරෝධයක් එල්ලවෙමින් ඇත .

මෙම අර්බුදකාරී තත්ත්වය විසදා ගැනීමට ආණ්ඩුවේ සියලුදෙනා කඩිනමින් පියවර ගත යුතු බව  අමාත්‍ය වාසුදේව නානායක්කාර මහතා පෙන්වාදේ..

මේ අතර ආණ්ඩු පක්ෂයේ මන්ත්‍රී කණ්ඩායමේ රැස්වීමක් ජනාධිපති ගෝඨාභය රාජපක්ෂ මහතා සහ අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් ඊයේ පස්වරුවේ පැවැත්වින . එම සාකච්ඡාවෙන් අනතුරුව අමාත්‍ය උදය ගම්මන්පිල මාධ්‍ය වෙත අදහස් දක්වමින් සඳහන් කළේ කෙරවලපිටිය එල් එන් ජී බලාගාරය පිළිබඳ එහිදී සාකච්ඡා නොවූ බවයි.

එම සාකච්ඡාවට එක්වූ අමාත්‍ය එස් එම් චන්ද්‍රසේන මාධ්‍ය වෙත අදහස් දක්වමින් සඳහන් කළේ ආණ්ඩුවේ හවුල්කාර පක්ෂ අතර පවතින අර්බුද විවේචනය නොකර ආණ්ඩුව තුළදී පමණක් ඒවා විසඳා ගන්නා ලෙස ජනාධිපතිවරයා සියලු මන්ත්‍රීවරුන්ට උපදෙස් දුන් බවයි.