සහරාන්ලා මෙන් බෝම්බ නිෂ්පාදනය කළ හැකිය යන්න අත්හදා බලමින් ඉතා සුක්ෂම ලෙස බෝම්බ සහ බෝම්බ උපාංග නිපදවා අත්හදා බැලීම්වල නිරතව සිටි උතුරේ තරුණ කණ්ඩායමක් කොටු කර ගැනීමට යුද හමුදා බුද්ධි අංශය පසුගිය සති දෙකක කාලය තුළ සමත් වී තිබේ.
යාපනයේ සහ කිලිනොච්චියේ අදාල ක්‍රියාකාරකම්වලට සම්බන්ධව සිටි තරුණයන් 11 දෙනෙකු පසුගිය සති දෙකක කාලය තුළ අත්අඩංගුවට ගෙන ඇති බව උතුරේ ආරක්ෂක ආරංචි මාර්ග සදහන් කරයි.
අදාල ක්‍රියාකාරකම්වලට සම්බන්ධව සිටි ජර්මානු ගමන් බලපත්‍රයකින් මෙරට රැදී සිටි ශ්‍රි ලංකාවේ උපත ලැබුවෙකුද මඩකළපුවේදී අත්අඩංගුවට ගෙන තිබේ. මැලේසියාව ඇතුළු රටවල සිට ක්‍රියාත්මක වෙමින් මෙම තරුණයන්ට මුදල් ලබා දී අදාල අත්හදා බැලීම්වලට තරුණයන් යොමු කර ඇති බව මුලික විමර්ශනවලදී පෙනී ගොස් ඇත.
සැකකරුවන් ත්‍රස්ත විමර්ශන කොට්ඨාශයට භාර දී ඇති අතර ඉදිරි පරීක්ෂණ ත්‍රස්ත විමර්ශන කොට්ඨාශය විසින් මෙහෙයවයි.
