BREAKING NEWSCorona Live Updateක්‍රීඩා


Share now!

ජපානයේ ටෝකියෝ හි පැවැත්වීමට නියමිත 2020 ඔලිම්පික් තරඟාවලිය අවලංගු කිරීමට පියවර නොගන්නා බව ජාත්‍යන්තර ඔලිම්පික් කමිටුව ප්‍රකාශ කර සිටී .

කෙසේ වෙතත් එය මාස කිහිපයකින් කල් දැමීම පිළිබඳව මේ වනවිට අවධානය යොමුව ඇති බවද එම කමිටුව ජාත්‍යන්තර මාධ්‍ය වෙත සඳහන් කර ඇත.

කොරෝනා වෛරසය ලොව පුරා ව්‍යාප්තව යන අකාරය පිළිබඳව තවදුරටත් අධ්‍යයනය කර ඉදිරි තීරණයන් ගැනීමට බලාපොරොත්තුවන බවද එම කමිටුව මෙහිදී සඳහන් කර ඇත.

ඔලිම්පික් තරඟාවලිය ආරම්භවීමට නියමිතව අත්තෙහ් ලබන ජූලි මස වන අතර , එම දිනයෙහි වෙනසක් සිදුකිරීම පිළිබඳව මේ වන විට ඔලිම්පික් කමිටුව හා ජපානයේ අදාළ බලධාරීන් අතරද මේ වනවිට සාකච්ජා ආරම්භවී ඇත.

කෙසේ වෙතත් තරඟාවලිය අවලංගු කිරීමට කිසිසේත් කටයුතු නොකරන බවත් , එය 11000ක් පමණ වන ක්‍රීඩක ක්‍රීඩිකාවන්ගේත් ක්‍රීඩාවට ඇලුම් කරන ජනතාවගේත් සිහින බිඳ දැමීමක් වනු ඇති බවත් ඔලිම්පික් කමිටුව අවධාරණය කර ඇත.

මේ වනවිට කොරෝනා වෛරස ව්‍යාප්තිය පාලනය කිරීම අතින් ජපානය යම් සාර්ථකත්වයක් ලබා තිබීමද සුභවාදී ලක්‍ෂණයක් බව ඔලිම්පික් කමිටුව සඳහන් කර ඇත