එළඹෙන මාර්තු පළමු සතියේ සිට සාමාන්‍ය ජනතාවටත් කොවිඩ් එන්නත්කරණය ආරම්භ කිරීමට රජය සැලසුම් කර ඇති බව බ ප්‍රාථමික සෞඛ්‍ය සේවා, වසංගත රෝග හා කොවිඩ් රෝග පාලන කටයුතු රාජ්‍ය අමාත්‍ය සුදර්ශනී ප්‍රනාන්දුපුල්ලේ මහත්මිය සඳහන් කර සිටී .
ලක්ෂ 90 ක ජනතාව වෙනුවෙන් අවශ්‍ය කරන එන්නත් ඇනවුම් කර තිබෙන අතර මධ්‍යස්ථාන 4000ක් ස්ථාපිත කර ඒවා ලබා දීමට සැලසුම් කර ඇති බවද අමාත්‍යවරිය මාධ්‍ය වෙත පැවසීය .
එම එන්නත්කරණය සඳහා වැයවන්නේ රු. මිලියන 10ක් පමණ වන නමුත් දවසකට PCR පරීක්ෂණ සඳහාම රු.මිලියන 90ක් පමණ වය වන බව ද ප්‍රනාන්දුපුල්ලේ මහත්මිය කියා සිටි
සාමාන්‍ය ජනතාවට එන්නත්කරණය ආරම්භ කිරීමෙන් පසු දවසකට ලක්ෂ 06කට පමණ එන්නත් කිරීමට බලාපොරොත්තු වන බවද ඇය මෙහිදී පැවසීය
