ප්‍රබෝධා හෙට්ටිආරච්චි
මේ වසරේ වනජීවී ඡායාරූප ශිල්පියා තේරීමේ ජාත්‍යන්තර තරඟයේ මෙවර ජූරියේ විශේෂ පැසසුමට ලක්වීමට ශ්‍රී ලාංකිකයන් දෙදෙනකු වන බුද්ධිලිනී ඩී සොයිසා හා ගඟන වික්‍රමසිංහ සිසුවා සමත් විය. ලන්ඩන්හි ස්වාභාවික ඉතිහාස කෞතුකාගාරය විසින් සංවිධාන කර නිෂ්පාදනය කරන ලද මෙම තරගයට රටවල් 95 ක ඡායාරූප ශිල්පීන්ගෙන් ඡායාරූප 50,000ක් පමණ සහභාගි වී ඇත.
බුද්ධිලිනී ඩී සොයිසා මහත්මියගේ ‘A Great Swim’ නමින් පළ කරන ලද ඡායාරූපය “Mammals” අංශයෙන් හා ගඟන වික්‍රමසිංහගේ ‘Lock down chicks’ නමින් පළ කරන ලද ඡායාරූපය වයස අවුරුදු 10ට අඩු ඛාණ්ඩයෙන් ජුරියේ විශේෂ පැසසුමට ලක්ව ඇත.
සම්මානලාභීන් ඇතුළු ජයග්‍රාහී ඡායාරූප පිළිබඳ ඔක්තෝම්බර් 12 වන දින ස්වාභාවික ඉතිහාස කෞතුකාගාරයෙන් සජීවීව විකාශය වන මාර්ගගත සම්මාන ප්‍රදානෝත්සවයේදී ප්‍රකාශයට පත් කෙරේ. පසුගිය වසරේ එය පිරිනමන ලද්දේ කේම්බ්‍රිජ් ආදිපාදවරිය විසිනි.
Wildlife photographer of the year 2021 තරගයේ මීට පෙර එම ඇගයුමට ලක්වූ එකම ශ්‍රී ලාංකිකයා වන්නේ රොෂාන් ජයවර්ධන මහතාය.
