ප්‍රබෝධා හෙට්ටිආරච්චි
ගුරු – විදුහල්පතිවරුන්ට රුපියල් 5000 ක් ලබාදීමට අමාත්‍ය මණ්ඩල අනුකමිටුව යෝජනා නොකළ බවත් මුදල් අමාත්‍ය බැසිල් රාජපක්ෂ මහතා විසින් එම යෝජනාව කැබිනට් මණ්ඩලයට කළ බවත් අමාත්‍ය විමල් වීරවංශ මහතා පැවැසීය.
ඉදිරියේදී ගුරු – විදුහල්පති වැටුප් විෂමතාව ඉවත් කිරීම සම්බන්ධයෙන් ගුරුවරුන්ට රජයේ පොරොන්දු පිළිබද විශ්වාසක් ඇති කිරීම සඳහා මෙම දීමනාව සීමිත කාලයක් අතිරේකව ලබාදීමට මුදල් ඇමතිවරයා යෝජනා කළ බව හෙතෙම කීය.
එළැඹෙන අයවැයේ දී ගුරු – විදුහල්පති වැටුප් විෂමතාව පියවර කිහිපයක් යටතේ ඉවත්කිරීමට කැබිනට් මණ්ඩලය ගත් තීරණය ඒ සම්බන්ධයෙන් ලබාදිය හැකි සාධාරණම විසදුම බව අමාත්‍ය විමල් වීරවංශ පවසයි.
ඒ අනුව කැබිනට් මණ්ඩලය ලබාදුන් එම පොදු විසඳුම පිළිගන්නා ලෙස ගුරු වෘත්තීය සමිතිවලින් ඉල්ලීමක් කරන බව අමාත්‍යවරයා සඳහන් කළේය.
