නවතම පුවත්

බුද්ධි අංශ වෙත වැඩි බලයක් – නව පනතක්

අසංක

අසංක

මෙරට ක්‍රියාත්මක බුද්ධි ක්ෂේත්‍රය සම්පූර්ණයෙන්ම ආවරණය වන පරිදි නව පනතක් හඳුන්වා දීමට රජය පියවර ගෙන තිබේ.

බුද්ධි අංශ නියාමනය හා බලගැන්වීම වෙනුවෙන් ක්‍රියාත්මක කිරීමට අපේක්ෂිත මෙම පනත පිළිබඳ යෝජනාවට කැබිනට් අනුමැතිය හිමිව ඇත.

ඒ අනුව පනත හඳුන්වා දිමට අවශ්‍ය කෙටුම්පතක් සකස් කරන ලෙස නීති කෙටුම්පත් සම්පාදක වෙත උපදෙස් ලබා දිමේ ක්‍රියාවලිය ආරම්භ කිරීම සඳහා අමාත්‍ය මණ්ඩලය එකඟ වී ඇත.

ජාතික ආරක්ෂාවට බලපෑම් සිදු කරන ක්‍රියාකාරකම් විමසා ඒවා වළක්වා ගැනීම සඳහා අවශ්‍ය ක්‍රියාමාර්ග ගැනීම හා ඒ පිළිබඳව නිර්දේශ ඉදිරිපත් කිරීම සඳහා බුද්ධි අංශ කටයුතු කරයි.

එම ආයතනය විසින් සොයාගන්නා ලද තර්ජන හා අනාවරණය කර ගත් තොරතුරු මත වළක්වා ගත් ත්‍රස්තවාදී හා අනෙකුත් ක්‍රියාකාරකම් සහ ජාතික ගැටළුවලදී ලබා දී ඇති නිර්දේශ ජාතික ආරක්ෂාව පවත්වාගෙන යාම සඳහා මහඟු පිටුවහලක් වන බව රජයේ අදහසයි.

බුද්ධි අංශ මෙහෙයුම් ආශ්‍රිතව සිදු වන මෙහෙයුම් කටයුතුවලට සහය වීම සඳහා අවශ්‍ය තරම් නෛතික ප්‍රතිපාදන දැනට නොමැති වීම හේතුවෙන් ඇතැම් බුද්ධි අංශ කටයුතු සීමාවී ඇති බව පෙනීයාම නිසා රජය මෙම පියවර ගෙන තිබේ.

විශේෂයෙන්ම පසුගිය අප්‍රේල් 21 වැනිදා බෝම්බ ප්‍රහාරය සම්බන්ධයෙන් ඊට කලකට පෙර සිටම බුද්ධි තොරතුරු ලැබී ඒ පිළිබඳ අදාළ අංශ වෙත සියලු නම් ගම් ලබාදී තිබූ මොහොතක එම ප්‍රහාරයයට මුහුණ දීමට ජනතාවට සිදුවූ බව පසුව අනාවරණය වූ කරුණුවලින් පෙනී ගොස් තිබේ.

DEARO MAIN IMAGE
Dearo Investment වසරේ විශිෂ්ටම සංවර්ධන ආයෝජන සමාගම ලෙස Asia Miracle සම්මාන දිනයි
IIHS-3
IIHS සාමාන්‍ය පෙළ හා උසස් පෙළ සිසුන්ට වෘත්තීය ගමන් මඟ තෝරා ගැනීමට දොර විවර කරයි
rice & curry
ලෝකයේ හොඳම බත් වර්ග 10 අතරට ශ්‍රී ලංකාවේ 'රයිස් & කරි'
image-11
ශ්‍රී ලංකාව තිරසර සංවර්ධනයක් කරා මෙහෙයවන වාර්තාව මෙන්න
Tourism
සංචාරක ආදායම 78%කින් ඉහළට
image-9
නුවරඑළිය සීතාඅම්මාන් කෝවිලේ මංගලාභි⁣ෂේක මංගල්‍යය
image-8
ක්ලබ් වසන්තගේ අවසන් සේයාරුව ...
1623316357-Health-trade-unions-to-go-ahead-with-strike-action-L
වෘත්තීය සමිති 200ක් පැය 48ක වෘත්තීය ක්‍රියාමාර්ගයකට සැරසෙයි!
image-7
ජනාධිපතිවරණය ගැන මැතිවරණ කොමිසමෙන් ඉඟියක් !
image-6
'සුදු'වෙන්නේ බලාගෙනයි !