ශ්රී ලංකාවේ ණය බර අඩුකිරීමට , අවශ්ය සහය ලබාදීමට සූදානම් බව චීනය අවධාරණය කර සිටී .
“ශ්රී ලංකාව මුහුණ දෙන දුෂ්කරතා සහ අභියෝග පිළිබඳව චීන රජය හොඳින් අවබෝධකරගෙන ඇති බවත් ඒ අනුව ලංකාවේ ස්ථාවර ආර්ථික හා සමාජීය සංවර්ධනයක් වෙනුවෙන් සාධනීය කාර්යභාරයක් ඉටුකිරීට තම රජය සූදානම් බවත් චීන විදේශ අමාත්යංශයේ ප්රකාශක ෂාඕ ලිජියැන් මහතා සඳහන් කර සිටී .
ශ්රී ලංකාව චීනයෙන් ගෙන ඇති ණය සම්බන්ධයෙන්ද චීන රජය අවධානය යොමු කර ඇති බවත් අදාළ මූල්ය ආයතන හා ශ්රී ලංකාව අතර ඉදිරියේදී ඒ සම්භන්ධයෙන් සාකච්ජා පැවැත්වෙනු ඇති බවත් ෂාඕ මහතා ජාත්යන්තර මාධ්ය හමුවේ අදහස් දක්වමින් සඳහන් කර ඇත .
එම ණය සම්භන්ධ ගැටලුවලට යම් විසඳුමක් සොයාගැනීමටද එහිදී පියවර ගන්නා බව චීන විදෙස් අමාත්යංශ ප්රකාශකවරයා පැවසීය .
ශ්රී ලංකාවේ ණය බර ලිහිල් කිරීම සහ තිරසාර සංවර්ධනය සාක්ෂාත් කර ගැනීම සඳහා අදාළ රටවල් සහ මූල්ය ආයතන සමඟ කටයුතු කිරීමට ද චීනය සූදානම් බව ෂාඕ මහතා පැවසීය ..
.
