මේ සම්බන්ධයෙන් ඩුබායි හි ශ්‍රී ලංකා කොන්සියුලර් කාර්යාලය’ වෙත අදාළ විශ්වවිද්‍යාලය මඟින් දැනුම්දී ඇති බව පැවැසේ..මෙම තරුණියන් තිදෙනා නවාතැන් ගෙන සිටි, ‘අසර්බයිජානයේ’ බකූ(Baku) අගනුවර ‘බේල්'(Baile) නාගරික සීමාවේ ‘දෙමහල්’ නිවසක|බිම් මහලක|10 රාත්‍රී කාලයේ ගින්නක් හටගෙන ඇත..ගින්නෙන් හටගත් ‘විෂ’ දුම ‘ආඝ්‍රාණය’ වීම නිසා, සිසුවියන් තිදෙනාම ජීවිතක්ෂයට පත්ව ඇති අතර, ගින්නට හේතුව, එම නිවසේ ‘විදුලි පරිපථයේ’ දෝෂයක් බවට හඳුනාගෙන ඇති බව, විදෙස් මාධ්‍ය වාර්තා කර තිබේ. මුලින්ම මෙම ගිනි ගැනීම දැක ඇත්තේ එම නිවස අසල පදිංචිකරුවෙකි.
එසැනින් නිවසේ ජනෙල් කඩා මෙම ශිෂ්‍යාවන් තිදෙනා බේරාගැනීමට ඔහු උත්සාහ දැරුවද, ඉන් පලක් වී නොමැත.
ඒ වන විටත්, ‘විෂ’ වායුව මෙම ශිෂ්‍යාවන්ගේ දිවි තොර කිරීමට ප්‍රමාණවත් වී ඇත.. මොවුන් තිදෙනා මෙම එකම නිවහනේ මාස දෙකක පමණ කාලයක් ගතකර ඇති බවද වාර්තා වී තිබේ.
අසර්බයිජානයේ ‘Western Caspian University’ නම් වූ, ‘පෞද්ගලික’ විශ්වවිද්‍යාලයේ පුහුණු පාඨමාලාවක් හැදැරීම සඳහා මෙම ‘ශ්‍රී ලාංකික’ තරුණියන් තිදෙනා, පසුගිය වසරේ අගෝස්තු 20වනදා එම විශ්වවිද්‍යාලයට ඇතුළත් වී ඇති බව සඳහන් ය.
එම විශ්වවිද්‍යාලය සතුව නේවාසිකාගාරයක් නොමැති බව හා, වෙනත් නවාතැනක් කුලී පදනම මත ලබාගැනීම සඳහා විශ්වවිද්‍යාලයෙන් සේවා සැපයීමක්ද සිදු ‘නොකරන’ බවට, එම සිසුවියන් හට පාලනාධිකාරිය දැනුම් දී තිබුණි.
ඒ හේතුවෙන්, ඔවුන් මෙම ස්ථානයේ නවාතැන් ගෙන සිටි බව පැවැසේ..
ඔවුන් ඉගෙන ගත් විශ්වවිද්‍යාලය ආසන්නයේම ‘බේල්'(Baile) නාගරික සීමාවේ පිහිටි ‘පෞද්ගලික’ දෙමහල් නිවසක මොවුන් නවාතැන් ගෙන ඇත.
කෙසේවෙතත් ‘රාජ්‍ය තාන්ත්‍රික කටයුතු’ සඳහා ‘අසර්බයිජානයේ’, ශ්‍රී ලංකා කොන්සියුලර් සේවයක් ‘නොමැති’ බැවින්, ‘වෙස්ටන් කැස්පියන්’ විශ්වවිද්‍යාලය, සිද්ධිය සම්බන්ධයෙන් ‘ඩුබායි’ හි ‘ශ්‍රී ලංකා කොන්සියුලර් කාර්යාලය’ වෙත දැනුම් දී ඇතැයි ද, විදෙස් මාධ්‍ය වාර්තා කර ඇත.
සිද්ධිය සම්බන්ධ ඉදිරි පියවර ගැනීම සඳහා, එම කාර්යාලයේ උපදෙස් අපේක්ෂාවන් සිටින බව ද ‘විශ්වවිද්‍යාලයේ’ බලධාරින් දන්වා තිබේ.
