තඹුත්තේගම ප්‍රදේශයේදී පසුගීයදා සිදුවූ කෝටි දෙකකට අධික මුදල් මංකොල්ලයට සම්බන්ධ බවට අත්අඩංගුවට ගත් ශ්‍රී ලංකා පොදුජන පෙරමුණේ රාජාංගනය ප්‍රාදේශීය සභා මන්ත්‍රීවරයාගේ පක්‍ෂ සාමාජිකත්වය අත්හිටුවන බව එම පක්ෂයේ මහ ලේකම් පාර්ලිමේන්තු මන්ත්‍රී නීතිඥ සාගර කාරියවසම් මහතා පවසයි.
එම සිද්ධිය සම්බන්ධයෙන් පොලිසියෙන් වාර්තාවක් ද ඉල්ලා ඇති බව ද හෙතම අද (28) කීය.
ව්‍යාපාරිකයකු විසින් බැංකුවක් වෙත රුපියල් දෙකෝටියකට අධික මුදලක් තැන්පත් කිරීමට ගිය අවස්ථාවේදී යතුරුපැදියකින් පැමිණි පුද්ගලයන් දෙදෙනකු විසින් එම මුදල් මංකොල්ලයට කරන ලද තැත පොලිස් නිලධාරියකුගේ ක්ෂණික මෙහෙයුමක් මත ව්‍යර්ථ වී ගීයේය.
කොල්ලකෑමට පැමිණි කොල්ලකරුවන්ට යතුරුපැදිය ලබා දී ඇත්තේ මන්ත්‍රීවරයා විසින් බවට අනාවරණය වීමත් සමඟ මුදල් මංකොල්ලයට ආධාර අනුබල දීම ගැන එල්ල වූ චෝදනා නිසා මන්ත්‍රීවරයා අත්අඩංගුවට ගෙන ඇත.
