කුවේට් රාජ්‍යයෙන් ඉකුත්දා මෙරටට ගෙන්වා ගත් ලාංකිකයින් 466 දෙනා එරටින් පිටත්ව යාමට පෙර,පීසීආර් පරීක්ෂණ සිදු කර නොමැති බව කුවේටයේ ශ්‍රී ලංකා තානාපති කාර්යාලය අවධාරණය කර සිටී.
මෙම ශ්‍රී ලාංකිකයින් පීසීආර් පරීක්ෂණයට ලක්කරන ලෙස තම කාර්යාලය එරට විදේශ අමාත්‍යාංශයෙන් ඉල්ලා සිටියද එය කළ නොහැකි බවට එම අමාත්‍යාංශය දැනුම් දුන් බවද කුවේටයේ ශ්‍රී ලංකා තානාපති කාර්යාලය සඳහන් කර සිටී
නැවත මෙරටට ගෙන්වා ගන්නා පුද්ගලයින් සඳහා පීසීආර් පරීක්ෂණ සිදු කරන ලෙස ශ්‍රී ලංකා තානාපතිවරයාම ලිඛිතව කුවේටයේ විදේශ කටයුතු අමාත්‍යාංශයෙන් ඉල්ලීමක් කර ඇතැත් , එය සිදු කළ නොහැකි බවත්, කොවිඩ් වෛරස රෝග ලක්ෂණ පිළිබඳව පමණක් පරික්ෂා කල හැකි බවත් එම අමාත්යංශය සඳහන් කර ඇත
කුවේට් රාජ්‍යයෙන් පිටත්ව යන, කිසිවෙකු සඳහා පීසීආර් පරීක්ෂණ සිදු කර නොමැති බවද එරට විදෙස් අමාත්යංශය මෙහිදී සඳහන් කර ඇත.
