මෙරට කෘෂිකර්මාන්තය දියුණු කිරීමට නම් එය නවීන විද්‍යාව සමග මුසුවිය යුතු බවත් , වත්මන් ජාන්ධිපතිවරයාට එම නවීන කෘෂිකර්මාන්තය පිළිබඳව අවබෝධයක් නොමැතිවීම කනගාටුවට කරුණක් වන බවත් වැවිලි කර්මාන්ත අමාත්‍ය නවීන් දිසානායක මහතා අවධාරණය කර සිටී .
ඒ මහතා මේ බව සඳහන් කලේ මෙරට ‘කොළඹ තේ වෙළඳුන්ගේ’ (Colombo tea traders association ) සංගමයේ 125 වෙනි සංවත්සර උළෙල හා මහසභා රැස්වීමට එක්වෙමිනි .
මෙහිදී වැඩිදුරටත් අදහස් දක්වමින් ඒ මහතා පැවසුවේ , තේ පර්යේෂණ ක්ෂේත්‍රයට පවා රජය වෙන් කරන මුදල් ප්‍රමාණවත් නොවන බවයි. කෘෂිකර්මාන්තය නැංවීමට නම් නවීන විද්‍යාත්මක ක්‍රම අනුව වගා කටයුතු සිදුකිරීම වැදගත් බවත් ,අමාත්‍යවරයා පැවසීය . කාලගුණික විපර්යාස , ඵලදාවේ පහල වැටීම් ආදී අභියෝගයන්ටද නවීන විද්‍යාත්මක පර්යේෂණ හරහා පිළිතුරු සොයා ගත හැකි බව අමාත්‍යවරයා මෙහිදී පැවසීය .
සුළු හා මධ්‍යපරිමාන ව්‍යවසායකයින්ටද සහන ලබාදෙමින් මෙරට තී කර්මාන්තය නැංවීමට කටයුතු කරන බවත් අමාත්‍යවරයා මෙහිදී පැවසීය .
මෙහිදී තී වෙළඳුන්ගේ සංගමයේ සංවත්සරය නිමිත්තෙන් සම්පාදනය කරන ලද ග්‍රන්ථයක්ද එළිදක්වනු ලැබීය .
සංගමයේ නව සභාපතිවරයා ලෙස ජයන්ත කරුණාරත්න මහතා මෙම මහසභා රැස්වීමේදී තේරී පත්විණ .
